CEBU CITY — Nadugangan og usa ang nataptan sa COVID-19 sa Central Visayas maong niabot kini og 35.
Sa latest report gikan sa Department of Health (DOH)-7, nagagikan sa dakbayan sa Lapu-Lapu ang bag-ong kaso sa maong sakit hinungdan nga niabot na kini og tulo.
Nagpabiling nag-una ang dakbayan sa Sugbo nga adunay 22 ka mga kaso samtang adunay duha sa Mandaue City.
Upat ang natakdan sa COVID-19 sa Negros Oriental, tulo sa lalawigan sa Sugbo, ug usa sa Bohol.
Samtang nadugangan og duha ang namatay sa COVID-19 maong anaa na sa walo ang death toll.
Nagagikan sa Cebu City ug Cebu Province ang namatay sa maong sakit kinsang pulos senior citizen.
Nagpabilin gihapon sa 11 ang “laboratory negative” human gipaubos sa re-testing ug nalakip niini ang mga naayo sa maong pandemic.
Hangyo karon ni Dr. Jaime Bernadas, regional director sa DOH-7, nga handumon ang pagbalaan sa semana santa sa sulod sa panimalay.
