CEBU CITY – Mas nikunhod pa ang Covid-19 daily positivity rate sa dakbayan sa Sugbo ang ihap sa mga indibidwal nga nagpositibo subay sa mga nipaubos sa Covid testing diin mas ubos kini sa World Health Organization (WHO) threshold.
Kini ang gibutyag ni Cebu City COuncilor Joel Garganera , ang pangu sa Cebu City’s Emergency Operations Center (EOC) atol sa eksklusibong pakighinabi sa Bombo Radyo Cebu, nga niubos ang daily positivity rate ngadto sa 3.64 percent, nga mas ubos sa 5 percent pandemic threshold sa WHO.
Matod pa ni Garganera, nga mao kini ang usa sa mga tinguha sa EOC human sa sunod-sunod nga pagsaka sa kaso sa Covid-19 sa unang semana sa Enero 2022 dihang nakatala ang syudad og 4,000 ka aktibong kaso.
Malipayon usab kini nga nipahibaw nga sa pagkakaron aduna ray 21 ka bag-ong kaso ang dakbayan gikan sa 577 ka mga indibidwal nga gipaubos sa testing.
Sumatotal, anaa nalang sa 985 ang aktibong kaso sa Sugbo.
