Giangkon sa warden sa Cebu City Jail nga bisan pa sa kuwang sa ilang personahe apan makalaum ang katawhan nga mamahimo gihapon ang ilang trabaho ilabi na ang pagpatuman sa kaluwasan sa mga piniriso.
Sugod karong adlawa ipatuman ang pagsuspenso sa pagduaw sa mga priso nunot sa hulga sa coronavirus disease (COVID-19).
Gipangayo sa opisyal ang pagsabot sa mga kabanay sa mga napriso ingon man sa publiko alang sa maong lakang sanglit katuyuan lamang niini nga mapugngan ang posibleng pagkalat sa virus.
Giasoy JSupt. Julius Aro, ang warden sa Cebu City Jail, nga daan na sila nga nipatuman sa mga precautionary measures sama paghimo sa proper hygiene sa mga piniriso, pagsul-ob og mask og uban pa una pa man ang pagsuspenso sa visitation.
Anaa sa kapin 6,000 nga piniriso ang gipaningkamutan sa Bureau of Jail Management and Penology (BJMP) nga magpabiling luwas gikan sa makamatay’ng sakit. (gs)
