Gika-guol ni Cebu City Councilor Jun Alcover ang kamatayon sa UP Cebu Alumnus ug former student leader Vince Francis Dingding sa engkwentro tali sa mga New People’s Army ug sa Armed Forces of the Philippines sa Cauyan, Negros Occidental.
Matud ni Alcover, nga nalouy siya sa gidangatan sa maong sugboanon nga namatay gumikan kay nakasinati usab siya nga nahimong miyembro sa NPA kaniadto sa bata pa siya ug misurender sa gobyerno.
Dugang pa niini nga dili siya gusto nga masinati sa ubang kabatan-onan ang nasinati niini sa bata pa ug sa kasamtangan nga nakalas nga si Ding-ding, gumikan sa pagpakigbatok sa gobyerno.
Gitun-an karon ni Alcover ang mga lakang nga mahimo sa Cebu City Council aron malikayan nga masundan sa mga tinun-an ang nadangatan ni Dingding, hinungdan nga tambag ni Alcover nga kinahanglan magpahigayon ang mga nagkadaiyang buhatan sa gobyerno lakip na ang mga sakop sa mga enforcement agency, nga magpahigayon og massive campaign batok sa terorismo.
Kini aron adunay kahibalo ang mga ginikanan sa mga lihok sa ilang mga anak o kabanay nga posibleng misulod sa susamang mga grupo.
