Nanguna sa listahan ang Baguio-based hitmakers Cup of Joe sa Billboard Philippines 2025, samtang ang singer nga si Maki nakakuha og pwesto sa top 10, sumala sa gitaho sa music publication.
Sa pagngalan sa Cup of Joe isip top artist, gipasiugda sa Billboard kung giunsa sa lima ka miyembro nga banda ang pagpanguna sa Billboard Philippines Hot 100 sulod sa 27 ka sunod-sunod nga semana sa ilang hit single nga “Multo,” ug nakadaog usab og duha ka dagkong awards sa Filipino Music Awards.
Samtang, si Maki niranggo sa No. 10, diin gipunting sa Billboard ang talagsaon nga tuig sa mag-aawit nga gimarkahan sa usa ka sold-out concert, ingon man ang pagpagawas sa iyang debut album nga “Kolorcoaster.”
Busa, napuno sa pagdayeg si Maki tungod sa iyang “relatable ug witty songwriting” nga nakahikap sa kasingkasing sa mga tigpaminaw, tungod kay naglakip kini og mga liriko nga makatabang sa iyang mga tigpaminaw sa pagbutang sa mga emosyon sa mga pulong nga wala pa nila mahunahuna kaniadto.
Samtang, ang hitmaker sa “Marilag” nga si Dionela kinsang nag-propose sa iyang long-time girlfriend atol sa iyang concert kay siya ang nakakuha sa No. 2 nga pwesto, ug anaa sa no. 3 si R&B and soul artist Arthur Nery.
Ang rapper nga si Shanti Dope nagpadayon sa pagpalig-on sa iyang presensya sa music scene, nga niranggo sa No. 4, gisundan sa rock band nga December Avenue sa No. 5.
Ang nagkompleto sa top 10 sa Billboard mao sila si TJ Monterde (No. 6), Ben&Ben (No. 7), Earl Agustin (No. 8) ug Hellmerry (No. 9).
