Nipasidaan si Agriculture Secretary Francisco Tiu Laurel Jr. sa mga rice importers nga mogamit sa gipahigayon nga Sanitary and Phytosanitary Import Clearance (SPSIC) sulod sa 60 ka adlaw.
Ang maong clearance gihatag sa Bureau of Plant Industry ngadto sa mga importer nga mo-import og bugas aron ibaligya sa mga merkado sa nasud.
Ingon man nga ang pasidaan ni Laurel kay adunay silot kon gani mapakyas sa paggamit sa ilang import clearances.
Ang kalihim nihimo sa pahimangno nunot sa mga report nga nadawat diin daghang importers ang giingong napakyas sa paggamit sa ilang permit, pipila ka buwan human sila gi-isyu sa BPI.
Matod sa kalihim, ang dili paggamit sa mga nakuhang permit mahimong makaapekto sa suplay ug stock sa bugas sa nasud.
Tungod niini, matod niya seguradong mopahamtang og silot ang DA sa mga importer nga magdumili gihapon sa paggamit niini aron libre silang maka-import og bugas.
Gikan Enero 2024 hangtod Agosto 22, 2.7 milyon metriko tonelada sa bugas ang nakasulod sa Pilipinas.
