Gidugangan sa Department of Agriculture (DA) ang alokasyon alang sa vulnerable sector, nga maoy benepisyaryo sa Kadiwa ng Pangulo program, nga nagbaligya og bugas sa tag P29/kilo.
Kini nga sektor naglakip sa mga senior citizens, persons with disabilities, solo parents, ug mga indigents, kinsa mao ang individualized priority beneficiaries sa nasangpit nga programa, diin ang gibaligya nga bugas gibase gihapon sa inisyatiba sa National Food Authority (NFA) sa pag-apod-apod gikan sa buffer stocks niini.
Gipahibalo ni Agriculture Secretary Francisco Tiu Laurel Jr. nga kining bag-ong polisiya ipatuman dayon sa tanang dapit sa tibuok nasod.
Matod niya kini aron ang publiko makapili ug mas barato nga mga pagkaon ug mga batakang palaliton, partikular na ang bugas.
Samtang, gilauman nga kining inisyatiba makasulbad sa mga reklamo sa merkado kalabot sa taas nga presyo sa palaliton sa mga merkado.
