Wala gisusi ug gi-verify ni Agriculture Secretary Francisco Tiu Laurel Jr. ang listahan sa mga proyekto sa farm-to-market roads (FMRs) nga gilakip sa 2026 National Expenditure Program (NEP) nga nagkantidad og P8.9-bilyones.
Sumala ni DA spokesperson Assistant Secretary Arnel de Mesa nga ang ahensya nag-andam ug nagsumiter og bag-ong listahan sa mga proyekto bisan wala kini giaprobahan ni Laurel, human ang orihinal nga listahan gipadala sa Kongreso.
Miingon siya nga ang gibag-o nga listahan sa mga proyekto sa FMR nga nagkantidad og mga P8.9-bilyones gisumiter pinaagi sa usa ka follow-up letter niadtong Disyembre 15, pipila ka adlaw human giaprobahan sa bicameral conference committee ang pondo para sa mga proyekto niadtong Disyembre 13.
Dugang niyang gipasabot nga wala masusi ni Laurel ang unang listahan tungod kay ang kalihim giingong nagbakasyon sa dihang gisumiter kini.
Apan, gidawat sa Bicameral Conference Committee ang bag-ong listahan sa DA sa mga proyekto sa FMR, nga mipuli sa mga proyekto nga kaniadto giaprobahan sa Senado ug House niadtong Disyembre 13.
Gipangutana ni Senador Loren Legarda nganong ang P8.9-bilyones nga mga proyekto sa FMR wala gilakip sa National Expenditure Program (NEP) ug sa giaprobahan nga House General Appropriations Bill (HGAB).
Nahadlok ang senador nga kining last-minute nga pagbayloay sa mga proyekto mahimong sundogon sa ubang mga ahensya sa gobyerno kon tugotan.
