Gikompirmar sa Department of Agriculture (DA) nga walay mga lokal nga kagamhanan nga nagpakita og interes sa pagpalit og bugas gikan sa buffer stock sa National Food Authority (NFA) nga nikanselar o nag-backout.
Matud sa buhatan sa maong departamento, gikompirmar nga gibana-banang 10,000 ka sako lang ang gi-release sa NFA ngadto sa mga LGUs alang sa konsumo sa publiko.
Mipasalig usab si DA Assistant Secretary for Special Concerns and Official Development Assistance ug Spokesperson Engr. Arnel De Mesa, nga adunay i-release nga kapin sa 59,000 ka sako sa bugas apan wala pa ma-release sa ahensya ang dul-an sa katunga niini.
Gipasabot ni De Mesa nga posibleng nagpadayon pa ang pipila ka mga transaksyon sa mga LGUs nga mahimong hinungdan nga magdugay ang ilang pagpalit ilabi na kon adunay ubang gasto ug limitasyon ang maong mga buhatan.
Mao kini karon ang problema nga nakita sa mamumulong kay matud niya wala silay kontrol sa mga lokal nga kagamhanan.
Ingon man nga bisan pa sa ubos nga presyo sa bugas ug ubos nga presyo niini, nakita gihapon nga limitado gihapon ang pagpalit sa mga LGU gikan sa buffer stock sa NFA.
Basi usab sa datus nga gipadala sa NFA ngadto sa ilang buhatan, walay natala nga LGUs nga ni-backout sa pagpalit og bugas ug nisaka usab ang mga namalit niini, sama sa San Juan, Navotas, Camarines Sur, ug bisan sa Cotabato.
Sa pagkakaron hingpit na nga gihimo sa maong departamento ang pagpadali sa pagpagawas sa NFA sa buffer stock niini ilabi na sa padayong pagtuon sa ahensya sa Rice Tarrification Law nga plano niini nga usbon sa labing daling panahon.
