Gipasalig sa Department of Agriculture (DA) nga ang suplay sa mga produktong agrikultural sa nasud kay kaigo na sa sunod nga 90 ka adlaw o hangtod sa Hunyo ning tuiga.
Kini bisan pa sa nagpadayon nga tensyon sa Middle East ug sa pagsaka sa presyo sa mga produktong petrolyo.
Sumala ni Agriculture Secretary Francisco Tiu Laurel Jr., nga walay mga isyu nga nakaapekto sa mga batakang palaliton lakip na ang bugas.
Giingon usab sa kalihim nga ang suplay gilauman nga magpabilin nga lig-on bisan hangtod sa Hulyo.
Gipasabot sa hepe sa DA nga ang nag-unang hinungdan mao ang daghang stock sa bugas sa National Food Authority (NFA) nga hapit tunga sa tonelada nga bugas.
Lain sab kay karong panahona ang peak harvest season hangtod sa Mayo.
Samtang, kon bahin sa ubang mga produktong agrikultural, ang lebel sa suplay nagpabilin nga lig-on lakip na ang mais, asukal ug sibuyas.
Kini tungod kay ang produksiyon sa utanon kay nagpadayon tungod sa kasamtangang panahon sa pagtanom ug pag-ani samtang ang suplay sa baboy nagpabilin nga igo gikan sa lokal nga produksiyon ug imported nga mga stock sa cold storage.
