Planong ipang-apud-apod sa Department of Agriculture (DA) ang kapin sa 500,000 ka tonelada sa smuggled frozen fish nga nasakmit sa Bureau of Customs (BOC) ngadto sa mga naapektuhan sa bagyong Kristine sa Bicol Region isip kabahin sa ilang tabang.
Matod ni Bureau of Customs Commissioner Bienvenido Rubio, nakahuna-huna ang ilang ahensya nga inabagan sa Department of Agriculture nga kinahanglan una nga ipaubos sa test ang maong mga isda aron masayran kung “fit for human consumption” ba kini sa dili pa ihatag ngadto sa mga residente sa Bicol.
Dugang ni DA Sec. Francisco Tiu Laurel Jr. nga sa ilang rotation ug pagbisita sa Naga pinaagi sa aerial inspection, daghan gayud ang naigo ug naapektuhan sa pagkaguba sa bag-ohay lang nga grabeng tropical storm Kristine.
Posibleng dili paigo ang maong 21 ka container ug lagmit mahutdan og frozen nga isda ang mga bakwit.
Sa pagkakaron gideterminar pa sa mga otoridad kung kinsa ang ipadala sa maong mga isda ug unsaon kini pagkunsumo.
Ang nanguna lang sa DA ug BOC hangtod karon mao ang mga logo ug pipila ka Chinese characters nga matod pa nila makapamatuod nga gikan sa China ang gipalusot nga frozen fish.
