Gitutukan sa Department of Agriculture ang paghatag og igong tabang sa mga mag-uuma sa tubo nga naapektuhan sa red-striped soft scale insect infestation sa Negros Occidental.
Sumala ni Agriculture Sec. Francisco Tiu Laurel Jr., ang DA mogahin og 35 milyon ka pesos nga insecticide ug drone sprayers aron matabangan ang mga mag-uuma sa tubo nga makigbatok sa peste nga ilang giatubang.
Ingon man nga giingong hugot nga gimando ni Presidente Ferdinand R. Marcos Jr. nga ang kaayohan sa mga mag-uuma kinahanglan unahon aron malikayan ang pagkunhod sa produksiyon sa asukal sa nasud, labi na kay ang Negros Occidental ang nanguna nga prodyuser sa asukal sa nasud ug ang panahon sa pag-ani sa tubo nagkaduol na.
Gidugang sa kalihim nga nakigkontak na usab sila sa Department of Social Welfare and Development (DSWD) alang sa dugang nga tabang alang sa mga mag-uuma kansang mga tanom nataptan.
Kini kauban sa pag-allocate sa DSWD og 200 milyon ka pesos alang sa Emergency Cash Transfer Assistance alang sa mga mag-uuma sa tubo nga naapektuhan sa pag-atake sa tubo sa Visayas.
