Nimando ang pamunuan sa Department of Agriculture sa temporaryo nga pagpatuman sa import ban sa tanang domestic ug wild birds gikan sa Turkey tungod sa pagkaylap sa bird flu sa pipila ka bahin sa Europe.
Matud ni Agriculture Secretary Francisco Tiu Laurel Jr., ang maong lakang sa ahensya gitumong aron mapugngan ang pagsulod ug pagkatap sa maong sakit sa nasud.
Basi sa gipagawas nga Memorandum order, gimando niini ang pagsuspenso sa pag-isyu sa sanitary ug phytosanitary import clearances alang sa importasyon sa mga domestic ugwild bird gikan sa nasangpit nga nasud.
Kalabot niini, gidili sa ahensya ang pag-import sa mga produkto nga giihaw o gihimo sa wala pa ang Enero 1 ning tuiga.
Lakip sa gidili nga mga butang mao ang karne, mga piso, itlog, ug semilya.
Sumala sa datos nga gipagawas sa Turkey sa World Organization on animal health, adunay outbreak sa H5N1 High Pathogenicity Avian Influenza sa Sarayduzu, Merkez Turkey.
