Moapil ang mga kadagkoan sa Department of Agriculture (DA) ug Department of Trade and Industry (DTI) sa lifestyle check initiative ni Presidente Ferdinand Marcos Jr. alang sa tanang opisyal sa gobyerno aron malikayan ang posibleng kurapsyon.
Gihimo kini dungan sa kamandoan sa Presidente nga ipatuman ang maong lakang sa executive department taliwala sa nagpadayong imbestigasyon sa giingong mga iregularidad sa mga proyekto sa pagdumala sa baha sa gobyerno.
Sa habig ni Agriculture Sec. Francisco Tiu Laurel Jr, nipadayag sa hingpit nga suporta sa maong inisyatiba ug miingon nga makatabang kini sa pagbutyag sa posibleng sayop nga binuhatan sa mga opisyal sa publiko.
Dili na kini bag-o sa kalihim tungod kay isip usa ka negusyante matud pa niya kaniadto pa niya kini gihimo sa iyang kaugalingong kompanya.
Gisuportahan usab ni Trade Secretary Ma. Cristina Roque niingon ang direktiba.
Gani, nagsugod na ang DTI sa pagsulbad sa giingong accreditation for sale scheme nga naglambigit sa mga kontraktor sa Philippine Contractors Accreditation Board (PCAB).
