Magpatuman ang piniling mga pampubliko ug pribadong tunghaan sa Dakbayan sa Lapu-Lapu og “asynchronous classes” gikan sa Oktubre 26 hangtod 30, 2026, subay sa pag-host sa dakbayan sa ika-20 nga ASEAN Defence Ministers’ Meeting (ADMM) ug sa ika-13 nga ADMM-Plus.
Sumala sa usa ka pahibalo nga gipagawas ni Lapu-Lapu City Mayor Cindi Chan, kini nga kahikayan maglakip sa mga pampubliko ug pribadong elementary ug high school sa mga barangay sa Ibo, Buaya, Mactan, ug P. Engaño.
Apil usab sa pahibalo ang siyam ka pribadong eskwelahan, diin ang Sto. Niño International School, EMD Carmelite School Foundation, Jose Alwins Learning School, B Cebu Dream Foundation Inc., Cebu International Language TVI Center, Global Leaders International School, Newtown School of Excellence, St. Joseph’s School of Mactan, ug Sto. Niño Child Academy.
Tulo usab ka kolehiyo ang apil niini nga kahikayan, diin mao ang Lapu-Lapu City College, Lapu-Lapu Cebu International College, ug Sto. Niño Mactan College.
Ang pagpatuman sa “asynchronous classes” dungan sa pag-host sa dakbayan niining dakong internasyonal nga panagtigom, diin magtapok ang mga lider sa depensa ug mga representante gikan sa nagkalain-laing bahin sa rehiyon.
Giawhag usab ang mga estudyante ug mga ginikanan nga makig-alayon sa ilang tagsa-tagsa ka eskwelahan alang sa mga espesipikong instruksyon mahitungod sa kahikayan sa klase ug mga kalihokan sa pagkat-on atol niining maong panahon.
