CEBU – Gipaubos na sa Inter-Agency Task Force (IATF) on Emerging Infectious Diseases ang alert status sa dakbayan sa Lapu-Lapu ug Mandaue sa Central Visayas ngadto sa level 1 gikan Abril 1 ngadto sa 15.
Magpabilin ubos sa Alert Level 1 ang Cebu City ug Siquijor, nga anaa usab sa Central Visayas.
Gibutang sa Alert Level 1 ang duha ka dakbayan human na-reconcile ang ilang data sa pagbakuna ug isumite ang gikinahanglan nga mga dokumento.
Kahinumduman, nga niapelar ang duha ka dakbayan ngadto sa IATF kabahin sa ilahang alert level status tungod sa wala magtugma nga mga datos.
Kung matuman na ug masumiter na ang rekisitos, ang IATF-MEID dili na maghulat ug laing 15 ka adlaw sa pagdeklarar sa bag-ong alert level sa usa ka LGU.
Sa laing bahin, ang kagamhanan sa Probinsiya sa Sugbo kinahanglan pa nga magkugi sa ilang kampanya sa pagbakuna, tungod ang probinsiya aduna pay dul-an sa 1 ka milyon nga wala pa nabakunahan.
