Gihatagan og katin-awan ni Outgoing Mayor Raymond Alvin Garcia nga aduna pay 12.1 bilyones nga bank deposit ang Dakbayan sa Sugbo, nga iyaha usab i-turn over sa administrasyon ni Cebu City Mayor-elect Nestor Archival.
Matud ni Garcia, ang maong kantidad nga anaa karon sa panudlanan, usa ka kamatuoran nga “financially healthy” ang syudad sa Sugbo.
Kini nunot sa kabalaka ni Mayor-elect Nestor Archival nga walay kasiguradohan nga maka-sweldo sa mga empleyado sa Dakbayan sa Sugbo sugod sa buwan sa Hulyo ngadto sa Disyembre, tungod sa kakulangan sa pundo sa Dakbayan.
Bisan pa niana, gitataw ni Garcia, ang “cash in bank” sa siyudad sa Sugbo, mao ang mga mo sunod:
-General fund 7,900,871,190.83 (7.9 BILLION)
-Trust Fund 1,547,066,343.00 (1.5 BILLION)
-Special Education Fund 2,521,057,486.70
-Dollar Account $2,257,071.98 o 126,396,030.88
Hinungdan nga mapasigarbohon si Garcia sa mga hinungdan ug nganu dako pa ang pundo sa panudlanan sa Syudad sa Sugbo, kay tungod sa sakto ug maayo nga dagan sa koleksyon ug pag gasto sa budget.
Apan, susihon una ni Mayor-elect Nestor Archival og maayo ang mga kalamboan nga nahisgutan, ilabi na nga sa pagkakaron, wala pa siya nakalingkod sa iyahang termino isip bag-ong pangu sa Dabkayan sa Sugbo. | Bombo Irene Ardiente
