CEBU CITY-Pipila pa ka tuig ang latason sa Dakbayan sa Sugbo aron matuman ang “Singapore” nga damgo ni Mayor Michael Rama.
Duha na lang ka buwan ang nahabilin sa 2023, ang City Government wala pa makakolekta sa ilang target annual budget nga dul-an sa P50 bilyones.
Gitumbok nga ang Siyudad napakyas sa pagpatuman sa giusab nga Real Property Tax (RPT) Code, ug uban pang mga revenue measures.
Ang sa Siyudad para sa 2023 nag-ingon nga ang Siyudad nagtarget nga makakolekta og P40 bilyones sa RPT, apan kung wala ang updated nga tax code, ang Siyudad sa pagkakaron nakakolekta lang og kapin sa P1 bilyones sa RPT.
Nasayran nga ang 2023 annual budget labaw sa 450 porsyento nga paglukso gikan sa tinuig nga budget sa Syudad sa 2022 nga mokabat sa P9 bilyones.
Nius-os pa gani ang tinuig nga budget sa tulo ka labing adunahang dakbayan sa nasod sa miaging tuig, nga mao ang Quezon City (P30.5 billion), Manila City (P22.2 billion), ug Makati City (P17.8 billion).
