Gideklarar og state of calamity sa tibuok dakbayan ang Cebu City Disaster Risk Reduction and Management Council (CCDRRMC), human sa pipila ka adlaw nga pagbunok sa ulan nga niresulta sa pagbaha sa daghang barangay.
Ang deklarasyon nakapahimo sa siyudad sa pagpakusog sa mga paningkamot sa pagpaminus sa baha, lakip na ang pag-andam, pag-ayo, pag-desilting, ug declogging sa mga agianan sa tubig sa mga kritikal nga lugar.
Girekomendar ni Mayor Nestor Archival nga ang City Command Center bantayan 24/7, nga adunay mga linya sa komunikasyon sa radyo nga aktibo kanunay, aron masiguro ang paspas nga pagtubag sa emerhensya.
Gihatagan usab niya og gibug-aton ang kamahinungdanon sa paghatag og hinabang sa pagkaon sa mga pamilya nga mahimong mawad-an sa umaabot nga pagbaha.
Mikompirmar ang CCDRRMC nga 61 milyones nga quick response funds nagpabiling walay obligasyon ug nipasalig sa publiko nga ang siyudad modumala niini nga mga pundo sa epektibong paagi aron masuportahan ang mga emergency operations.
Kabahin usab sa mga eskedyul sa klase, gibutyag sa mayor nga ang face-to-face classes posibleng mabalik na sa adlawng Domingo kung maayo ang kahimtang sa panahon.|Bombo Nathaniel Sandoval
