CEBU – Nipahigayon og kalihokan ang dakbayan sa Talisay atubangan mismo sa Talisay City National Historical Shrine and Liberation Monument aron sa paghinumdom sa ika-77 nga Takas sa Talisay, Kagawasan sa Sugbo.
Gipangulohan ni Mayor Gerald Anthony “Samsam” Gullas ang maong kalihokan pinaagi sa pagpalupad sa mga pati nga maoy highlight sa komemorasyon.
Sa pikas hisgutanan, nakig-alayon ang kapolisan sa dakbayan sa Talisay sa mga fraternities sa pagpatunhay sa kalinaw ug kahapsay sa dakbayan.
Gibutyag ni Police Lieutenant Colonel Randy Caballes, hepe sa Talisay City Police Station, nga adunay inisyal nga pakigtagbo ang ilahang bhatan sa duha ka mga lider sa fraternities nga Alpha Kappa Rho ug Tau Gamma Phi niadtong Marso 24, 2022 aron dasigon kini sa pagtabang sa kapulisan aron mapabilin ang kalinaw ug kahapsay sa siyudad.
Padayon usab nga nakig-alayon ang kapulisan sa ubang mga kasamtangang fraternities sa dakbayan.
Kung mahitabo kini, magtukod ang pulisya og hiniusang konseho nga magrepresentar sa tanang fraternities sa Talisay City.
