Namulong si Cebu Provincial Vice-Governor Glenn Anthony Soco nga walay sagol pamulitka ang nabuhat sa Sangguniang Panlalawigan sa Kapitolyo sa Sugbo human nila gipugngan ang pagpasar sa compromise tax settlement tali sa kagamhanang probinsya ug Apo Land and Quarry Corporation (ALQC) nga gisugyot ni Governor Pamela Baricuatro.
Matod pa ni Soco atol sa pakighinabi niini sa mga sakop sa tigbalita nga sa mikinsa man ang misaway nila sa hunta probinsya kay adunay katungod sa ilang opinion.
Gani ang ila lang mao ang pagtuman sa ilang tahas isip mga magbabalaod sa Kapitolyo nga ipatuman sa tibuok probinsya kung unsay mas makaayo alang sa mga Sugboanon.
Ingon man nga sa hisgutanan sa buhis, gipamahayag ni Soco nga anay nila kining bantayan kay ang buhis sa katawhan mao ang nagpadagan sa mga programa ug proyekto sa lalawigan nga dakong pildi kini kung adunay diskwento nga itagana sa usa ka kumpanya.
Kahinumduman nga gisugyot ni Governor Baricuatro ang compromised settlement sa utang nga buhis tali sa Kapitolyo ug ALQC nga gikan sa P1.218-bilyones ngadto nalang sa P211.56-milyones.
