Makasinati og dakong pag-ubos sa presyo sa produktong petrolyo ang mga motorista sa sunod semana, human sa giingong pag-uswag sa relasyon tali sa Estados Unidos ug Iran.
Base sa pasiunang banabana sa Department of Energy (DOE), ang gasolina posibleng moubos og ₱4 ngadto sa ₱5 kada litro, ang diesel og ₱8 ngadto sa ₱10 kada litro, ug ang kerosene og ₱9 ngadto sa ₱11 kada litro karong umaabot nga Hunyo 23.
Bisan pa man og naobserbahan kini nga pag-ubos tungod sa sitwasyon sa Middle East, matud sa DOE nga dili pa hingpit nga sigurado kung magpadayon ba kini tungod kay padayon pa nga gipinalisar ang kasabutan sa ceasefire tali sa Estados Unidos ug Iran.
Nakadugang usab sa kawalay kasiguroan ang pahibalo sa Switzerland nga gi-postpone o gipauswag ang gikatakdang panagsulti tali sa duha ka nasod, nga mao unta ang magpalig-on sa mas lapad nga kasabutan sa rehiyon.
Sa pagkakaron, wala pa’y bag-ong iskedyul nga gipagawas alang sa pagpadayon sa maong mga negosasyon.
