Gipahibalo ni President Ferdinand Marcos Jr. ang laing rollback sa presyo sa lana nga ipatuman karong semanaha,kung diin, ang diesel moubos og ₱24.94/liter, gasolina ₱3.41, ug kerosene ₱2.00.
Kung matuman, mahimong anaa sa ₱107.40 ang diesel, ₱92.20 ang gasolina, ug ₱138.87 ang kerosene.
Giingon sa Presidente nga mas dako kini kaysa miaging rollback ug maghatag og kahupayan sa publiko.
Giawhag usab niya ang mga kompanya sa lana nga ipatuman dayon ug tarong ang presyo, ug gi-awhag ang publiko nga ireport ang mga paglapas sa DOE ug Opisina sa Presidente.
Ikaduhang sunod nga semana na sa rollback human sa taas nga presyo tungod sa tensyon US–Iran nga nakaapekto sa oil market.
Ang gobyerno nagpadayon usab og tabang sa transport sector, lakip ang ₱10 fuel subsidy sa PUV drivers, Service Contracting Program, ug 3-month extension sa validity sa licenses ug vehicle registrations hangtod Abril 2026 nga walay multa.
