CEBU – Gisirad-an sa lokal nga kagamhanan sa Talisay ang dalan Sitio Langoyon sa Barangay Manipis gumikan sa kataas sa lapok nunot sa kusog nga uwan kagabie nga nagpahinabo og pagbaha.
Sa eksklusibong pakighinabi sa Bombo Radyo Cebu kang Jonathan “Joy” Tumulak, ang pangu sa City of Talisay – Traffic Operations and Development Authority (CT-TODA), nagkanayon kini ablihan ra pagbalik ang maong dalan kung mahuman na ang clearing operation sa Department of Public Works and Highways (DPWH) sa maong lugar.
Paghulagway pa ni tumulak nga dili maagian ang dalan sa Sitio Langoyon sa Barangay Manipis gumikan masanapan na sa lapok ang ligid sa sakyanan.
Ug ang mga lapok gikatahong naggikan sa ibabaw nga bahin nga sobra sa gikabkab ug nadala sa baha dihang naigo sa tubig.
Tataw pa ni Tumulak nga mo-anunsiyo ra ang ilahang opisina kung maagian na ang maong dalan.
