CEBU CITY-Nakagawas na sa bilanggoan si David Chua Lim Jr. kinsang suspect sa pagpusil sa usa ka nurse nga nakuhaan og video ug nagviral pa. Kini human makapyansa sa kantidad nga 144,000 pesos kung diin 24,000 para sa frustrated homicide ug 120,000 pesos para sa illegal possesion of ammunitions
Una nini nagpagawas og resolution ang Cebu City Prosecutors office sa kaso ni Lim kung diin na downgrade grade ang una nga gipasaka nga kasong frustrated murder sa frustrated homicide ug nagpabilin ang kaso nga illegal possesion of ammunitions.
Human mapirmahan ang release order ni Lim nagpasalamat kini sa mga tao nga misuporta kaniya ug nag-ampo para kaniya tungod kay giingong wala siya biya-e niini sugod pa sa iyang kaso. Giingon pa ni Lim nga “the truth shall prevail”
Matud sa iyang abogado nga si Atty. Orlando Salatandre nga adunay na sila scheduled arraignment ug iya pa karon nga tun-an ang sunod nga lakang nga ilang buhaton batok sa kaso ni Lim
Sa karon giingong mupahuway pa si Lim sa ilang panimalay gumikan sa usab sa kalisod matud pa nga nasinati-an niini samtang naka detain sa Cebu Citu Police Office lock up cell.
Gitino usab sa abogado ni Lim nga dili kini mugawas sa nasud ug kung mahitabo man kana giingon niya nga mangayo usab sila og pagtugot sa korte tungod kay katungod man usab ni Lim nga mubakasyon sa gawas sa nasud kung gustohon niya.
