-- ADVERTISEMENT --
Nisaka na ngadto sa 40 ang ihap sa mga namatay sa pagkalunod sa MV Trisha Kerstin sa Basilan human nakarekober ang mga awtoridad og tulo pa ka patayng lawas sa mga pasahero.
Sumala sa Philippine Coast Guard (PCG), ang mga patayng lawas nga nakuha gikan sa lokal nga gobyerno ni Hadji Muhtamad, ilabi na sa Isla sa Baluk-Baluk, samtang usa sa mga patayng lawas ang nakit-an sa Isla sa Lantawan.
Gidala dayon ang mga patayng lawas sa Zamboanga City alang sa pag-ila ug hustong disposisyon.
Samtang, gipasalig sa Maritime Industry Authority (MARINA) nga ilang imbestigahan ug susihon ang mga pahayag sa mga nakaluwas sa insidente nga adunay kakulang sa mga life vest, nawala nga mga ngalan sa mga pasahero, ug ang barko nga giingong replacement.
