SUDAN-Nisaka na sa 46 ka mga tawo ang ihap sa nangamatay human nahagsa ang usa ka military aircraft sa Omdurman, Sudan niadtong Martes.
Sumala sa usa ka pahayag sa militar, ang Antonov aircraft kay nahagsa atol sa pag-takeoff gikan sa Wadi Sayidna air base, dayon nahagsa sa usa ka balay nga nahimutang sa Karrari district sa Omdurman.
Mao kini ang gikompirmar sa Sudanese Armed Forces nga usa sa ilang mga aircraft nahagsa atol sa pag-takeoff gikan sa Wadi Seidna Airport, nga miresulta sa pagkamatay sa labing menos 46 ug nasamdan nga mga personahe, militar ug sibilyan.
Gikumpirmar usab sa militar nga ang mga namatay naglakip sa daghang mga higher officials sa ilang ranggo, ilang mga sakop, ug daghang mga sibilyan, apan wala gitino kung unsa ang hinungdan sa pagkahagsa sa eroplano.
Sumala sa Ministry of Health, ang mga patayng lawas dad-on sa Nau Hospital sa Omdurman.
Sa laing bahin, lima ka sibilyan, lakip ang duha ka mga batan-on, gidala sa tambalanan alang sa gikinahanglan nga medikal nga tabang human makaangkon og samad.
Samtang, sukad niadtong Abril 2023, ang Sudan nag-antus sa grabe nga away tali sa hukbo sa Sudan ug Rapid Support Forces (RSF), nga adunay grabe nga epekto sa mga tawo.
Diin sa taho sa United Nations ug lokal nga mga awtoridad, kapin sa 20,000 ka mga tawo ang namatay ug gibanabana nga 14 ka milyon nga mga tawo ang nawala, nga nagbutang sa nasud sa ngilit sa pagkahugno.
