Misaka na sa 4,490 ang opisyal nga ihap sa mga namatay tungod sa sunod-sunod nga kusog nga linog nga miigo sa Venezuela niadtong Hunyo 24.
Sumala sa pinakabag-ong datos, misaka og 150 ang ihap sa mga namatay niadtong Domingo kumpara sa Sabado, samtang kapin sa 16,000 ka mga tawo ang nasamdan.
Gipahibalo usab sa gobyerno sa Venezuela nga kapin sa 19,500 ka mga indibidwal ang temporaryong nagpabilin sa mga evacuation camp human sa grabeng kadaot nga gibilin sa mga linog.
Matud ni National Assembly President Jorge Rodriguez, ang gobyerno magsugod sa paghatag og mga apartment sa mga pamilyang nawad-an og balay sa umaabot nga mga semana.
Gikumpirma usab ni Foreign Minister Yvan Gil nga miabot na sa nasud ang usa ka kargamento sa humanitarian aid gikan sa Russia.
Samtang, ang Embahada sa Estados Unidos mipadala og 100,000 ka mga aid kit alang sa mga komunidad nga naapektuhan sa maong kalamidad.
