Demi Moore, na-surprise sa iyang unang Golden Globe Award

Sangko sa langit ang kalipay nga nabati sa beteranong aktres nga si Demi Moore human nakadaog sa unang best actress award sa bag-o lang nahuman nga Golden Globe Award.

Giila siya sa iyang pasundayag sa musical ug comedy film nga “The Substance”.

Matod sa 62-anyos nga aktres, wala niya damha ang madaog ug nasurprisa pa kini human gitawag ang iyang pangalan.

Kay sa kapin 45 ka tuig niini sa showbiz, karon lang niya nakuha ang maong award.

Nagselebrar ang iyang mga kabanay ug suod nga higala diin mibuhagay ang pahalipay sa iyang kadaugan.