Gi-promote sa Department of Environment and Natural Resources – Central Visayas (DENR-7) ang paggamit sa mga ecobricks nga minugna sa mga recycled single-use plastics isip kabahin sa kampanyang “Love Our Earth” karong pagsaulog sa Environment Month.
Matod pa ni DENR-7 Regional Executive Director Paquito Melicor Jr. nga ang kampanya nga nagtinguha sa responsable waste management ilabi na sa mga plastics.
Tataw niini nga dili malikayan karong panahona ang paggamit sa mga plasticwares apan ang saktong pag-dispose ug ang pagpanghimulos niini sa ubang butang kay makatabang ilabi na sa kinaiyahan.
Sa maong ecobricks products niini, ang mga recycled materials kay mugnaon sa laing produkto nga mao ang bricks ug pavers nga magamit sa contructions purposes.
Ang “Love Our Earth” initiative kay naghulagway sa sugyot sa DENR sa publiko nga ipakita ang ilang pagmahal sa kinaiyahan pinaagi sa mga simple ug sustainable nga mga aksyon.
Usa ang mga plastics products nga highly-polluted materials sa mga katubigan sa nasud sama nalang sa mga suba, sapa, danawan, ug mismong sa mga baybayon ug kadagatan.
Gani sa unang bahin karong buwan sa Hunyo kay nakalusad na ang DENR-7 ug mga kalihukan para sa kalikupan sama sa river clean-up drive sa Kamputhaw River, coastal clean-up dribe sa South Road Properties ug uban pa.
Sa umaabot pang mga petsa sa nahabiling mga adlaw sa buwan kay naa napud silay laing mga kalihukan sama sa clean-up dribe sa Butuanon River, Lakbay Tanom tree planting sa Kampo 7 sa Minglanilla, ug Fun Run nga “Dagan para sa Danahon” para sa Danahon Barrier Reef nga nahimutang sa Camotes Sea sa Amihanang Sugbo.
