Ablihan na sa pagbalik ang Virgin Island (Puntod Island) sa Panglao, Bohol human sa rekomendasyon sa Department of Environment and Natural Resources – Central Visayas (DENR-7).
Sumala pa sa anunsyo sa ahensya pinaagi ni Regional Executive Director Laudemir Salac nga ang Protected Area Management Board kay mihatag og provision to reopen sa maong isla human nakapasar sa marine tourism guidelines.
Ang isla kay temporaryong gipasirado niadtong 2024 tungod sa coral vandalism.
Ang reopening kay nagsunod sa implementasyon sa mga interbensyon sama sa coral site assessments, pag-instalar sa mooring bouys, ug specialized safety and accreditation training sa mga local boat operators.
Gikatakda sa umaabot Martes, Pebrero 3 sa alas 10 sa buntag ang pormal nga pag-abli sa maong isla para sa mga turista sa pagpabaskog pagbalik sa turismo sa maong dapit.)
Giawhag sa DENR ang tanang stakeholders lakip ang mgatour operators ug mga bisita sa pagsuporta sa environmental regulations ug pagtabang sa pag-mintinar sa Virgin Island isip modelo sa sustainbale ecotourism sa Panglao Isalnd Protected Seascape.
