Gipirmahan nila Department of Education (DepEd) Secretary Sonny Angara ug Department of Public Works and Highways (DPWH) Sec Vince Dizon ang Memorandum of Agreement (MOA) aron pakusgan ang koordinasyon alang sa konstruksyon sa mga classroom backlog nga kapin sa 144,000 units.
Gilatid sa MOA ang usa ka unified framework alang sa planning, design, ug construction sa mga basic education facilities aron masolusyonan ang classroom shortage sa nasud.
Target usab sa proyekto ang pagtukod og 20,000 ka mga classrooms nga sugdan karong tuiga kondiin sa maong ihap, mokabat sa 4,000 ka mga classrooms ang mahuman sa karong Setyembre.
Ubos sa maong kasabutan, ang DPWH maoy manguna sa konstruksyon samtang ang DepEd ang muhatag og mga specifications ug priorities.
Ang classroom shortage nga 144,000 units usa sa pinakadako nga problema sa basic education system ug ang klarong koordinasyon makapaminos sa delay ug duplication sa trabaho.
Samtang ang standardized design ug construction, makahatag ig mas lig-on ug mas komportableng classrooms tungod kay daghang mga estudyante ang ma-accommodate ug aminusan na unya ang overcrowding ug makahatag ug mas maayong learning environment.
Sa kinatibuk-an, ang MOA tali sa DepEd ug DPWH usa ka lakang aron masiguro nga mas paspas ug mas epektibo ang pagtukod sa classrooms, nga kritikal aron mapalambo ang kalidad sa edukasyon sa Pilipinas.
