CEBU CITY- Girelibohan sa Philippine Coast Guard (PCG) ang deputy commander sa Masbate station niini nunot sa pagsulod sa P170-million nga shabu shipment nga niabot sa Pier 5 sa dakbayan sa Sugbo nga wala mamatikdi.
Si PCG Commandant Admiral Ronnie Gil Gavan nimando sa pagpatangtang isip kabahin sa nagpadayong imbestigasyon aron mailhan ang mga responsable sa insidente.
Una niini, ang shabu shipment nasakmit sa Philippine Drug Enforcement Agency (PDEA) ug Philippine National Police (PNP) sa Cebu City Pier 5 niadtong Enero 23, 2025.
Gibutyag sa mga otoridad nga ang mga suspek nga inahan ug anak sakay sa usa ka roll-on/roll-off (RoRo) passenger vessel gikan sa pantalan sa Masbate.
Giingong gitagoan nila ang mga kontrabando sa ilang pribadong sakyanan.
Ang ilegal nga drugas nadiskubrehan sa pag-abot sa barko sa dakbayan sa Sugbo, tungod kay possibling walay saktong inspeksyon nga gihimo sa wala pa mosakay ang sakyanan.
Si Admiral Gavan nihatag og gibug-aton sa kamahinungdanon sa regular nga inspeksyon isip kabahin sa mandato sa PCG sa pagpugong sa ilegal nga drugas nga makasulod sa mga pantalan ug kadagatan sa nasud.
Gimandoan usab niya ang imbestigasyon sa kapakyasan sa deputy commander sa paghimo sa naandan nga inspeksyon sa wala pa ang boarding.
Ang girelieve nga opisyal niangkon nga nitambong siya sa courtesy meeting sa panahon sa insidente.
Wala pa gipagawas sa PCG ang ngalan sa gi-relieve nga deputy commander samtang nagpadayon ang imbestigasyon.
