Nagpahigayon og ocular inspection ang Third Division sa Sandiganbayan sa Quezon City Male Dormitory, diin gitanggong ang kanhi House Speaker Martin Romualdez.
Si Romualdez nag-atubang og kasong plunder nga nagkantidad og P7.44 bilyones, nga may kalabotan sa giingong mga kickback gikan sa mga proyekto sa imprastraktura sa gobyerno.
Lakip sa mibisita sa pasilidad sila Associate Justices Karl Miranda ug Fritz Bryan Anthony Makasiar Delos Santos aron susihon kung nagsunod ba kini sa mga kondisyon nga gilatid sa mando sa korte niadtong Setyembre 10.
Gihimo ang inspeksyon human mopagawas og alegasyon ang kolumnista nga si Ramon Tulfo nga giingong makagawas si Romualdez sa detention facility pinaagi sa ambulansya bisan kanus-a niya gusto.
Sa laing bahin, nagpahibalo si Ombudsman Jesus Crispin Remulla nga mohimo usab siya og sorpresang pagbisita sa pasilidad sa Bureau of Jail Management and Penology (BJMP), human migawas ang mga taho nga adunay katabang si Romualdez sulod sa detention facility.
