Gisugyot sa konseho sa kagamhanang dakbayan sa Sugbo ang pagpahunong pinaagi sa citywide moratorium sa mga upland developments nunot sa mga katalagmang miagi sa Sugbo.
Kini ang gipangamahan nga sugyot sa legislative resolution ni Cebu City Councilor Joel Garganera atol sa iyahang priviledge speech sa regular session sa Sagguniang Panlungsod niadtong Martes, Disyembre 16 sa moratorium nga idili ang mga development sa kabukiran kay makadala kini og pagbahan ug uban pang katalagman sa densely populated areas sa dakbayan.
Naglakip kini sa mga quarry operations, slope modification, site development dili lamang isip reaksyon sa nakalabayng Bagyong Tino nga mikutlo og 33 ka kinabuhi sa dakbayan sa Sugbo apan ang paglantaw sa umaabot puhon nga malikayan na ang grabeng pagbaha nga run-off sa kabukiran.
Gani gisaway pa sa konsehal ang ubang nga mga developments nga nagpaka-aron ingnon lang apan quarry operations diay nga hilabihang makalilisan para sa kinaiyahan hinungdan sa way kaundangan sa pagbaha sa dakbayan.
Giklaro ni Garganera nga dili tumong niini ang pagpahamtang og silot apan pagprotektar sa katawhan ug pagpugong sa dugang kadaot sa kinaiyahan.
Gisaysay niini nga ang maong aksyon kay isip pahimangno nga makamugna og irreversible damage diin kung mahutdan na ta sa oras sa pagbali sa atong pagwari-wari sa kinaiyahan.
