Pormal nang gi-ablihan ang Devotee City alang sa libuan ka mga deboto ni Senior Sto. Niño nga mamyesta gikan sa managlahing mga kalungsuran ug probinsya ug walay kapuy-an.
Andam na ang 80 ka mga container vans nga nahimutang sa Senior Citizen’s Park, sa dakbayan sa Sugbo, ug maka-accommodate kini og hangtud sa 2,000 ka mga bisita gikan sa nahkalain-laing lugar.
Mobayad ang Cebu City Government og P2,000 nga abang matag container van ngadto sa usa ka pribadong shipping company.
Tungod niini, nagpasalamat si Cebu City Mayor Edgardo Labella ngadto ni Kon. Philip Zafra gumikan sa hands-on niya nga pagpahimutang ug pagmontar sa kapuy-an alang sa mga deboto.
Aron nga maka-avail sa libre nga pagpuyo sa Devotee City, kinahanglang ipakita ang ilang ticket sa gisakyang bus o barko.
Kini aron mapamatud-an nga nagagikan kini sa lungsod o probinsya sa gawas sa Cebu City.
