Nagpahayag ang gobyerno og kabalaka human sa mga airstrike sa Estados Unidos sa mga pasilidad sa nukleyar sa Iran sa katapusan sa semana.
Hinungdan nga nanawagan ang Department of Foreign Affairs (DFA) sa tanan nga partido nga mobalik sa diplomatic dialogue aron malikayan ang dugang nga pagdako sa tensyon sa rehiyon.
Matod sa DFA, nag-draft sila karon sa mga posibleng senaryo ug nag-update sa mga contingency plans kung ugaling mubalos ang Iran pinaagi sa pag-atake sa mga base militar sa US sa Middle East.
Kahinumduman nga adunay gibanabana nga 1 ka milyon nga mga overseas Filipino workers (OFWs) sa Middle East, kasagaran sa Saudi Arabia, UAE, Qatar, ug Kuwait.
Sa laing bahin, ang pag-atake sa mga Amerikano sa mga nukleyar nga lugar sa Iran sa Fordow, Natanz, ug Isfahan nakahatag og nagkasagol nga reaksyon sa tibuok kalibutan.
Samtang ang Israel ug Canada nagpahayag og suporta, ang UN, UK, France, Australia, ug New Zealand nanawagan alang sa de-escalation. Ingon man, ang China ug Russia nagtawag niini nga “ilegal”, ug ang Iraq, Oman, ug Qatar nagpasidaan sa mas lapad nga mga epekto.
