Nagplano ang Department of Information and Communications Technology nga palapdan pa ang ‘technical hubs’ aron magamit alang sa umaabot nga eleksyon.
Sa pakigtambayayong sa Commission on Elections ug sa Department of Science and Technology, mas daghang technical o repair hubs ang ipakatap aron masiguro nga ang Automated Counting Machines (ACM) anaa sa maayong trabaho atol sa umaabot nga piniliay.
Diin, mismong si Secretary Ivan John Uy, sa Department of Information and Communications Technology ang mipaambit nga ilang itudlo ang mga technical hub nga adunay kinatibuk-ang gidaghanon nga 110 sa nagkalain-laing rehiyon.
Matod niya, bag-o lang kini nga inisyatiba tungod kay matod niya sa miaging mga eleksiyon, usa ra kini ka dapit nga nahimutang sa Sta. Rosa, Laguna.
Dugang pa nga tungod sa mas taas nga lokasyon sa mga Technical Hubs, makasiguro ang publiko ug bisan ang mga electoral board member nga adunay hinanaling teknikal nga suporta nga mahatag kung mapakyas ang gigamit nga ACM o Automated Counting Machine.
Samtang, atol sa pagpirma sa Memorandum of Agreement tali sa Commission on Elections, Department of Science and Technology ug Department of Information and Communications Technology, gipahibalo usab ni Secretary Ivan John Uy sa DICT ang ilang hingpit nga koordinasyon ug kooperasyon aron masiguro nga magmalampuson ang eleksyon nga ipahigayon sa umaabot nga buwan sa Mayo.
