CEBU CITY-‘So far so Good’ matud pa ang nakita ni Department of Interior and Local Government (DILG) Undersecretary Epimaco Densing III atol sa assessment niini sa Cebu City.
Kini subay sa ‘Road Clearing Directive’ ni Presidente Rodrigo Duterte kung diin ang DILG ang gitahasan nga maoy mu-inspeksyon sa mga kadalanan sa nagkadaiyang siyudad ug probinysa sa nasud.
Matud ni Densing sa dihang gi-suroy niini ang Sugbo nga na ‘impress’ siya ug na ‘shock’ pa sa iyang nakita tungod kay hawan na particular na ang Osmeña Blvd ug Colon St.
Kini tungod kay si Densing usa ka Cebuano nga nagdako sa Sugbo hayan sayod kini sa kadaghan sa ambulant vendors. Hinungdan nga wala niini damha nga mahimo ni Cebu City Mayor Edgardo Labella nga ma-cleared ang dalan ug mapahimutang pa ang mga vendors.
Apan gitino usab ni Densing nga wala pa ug dili siya ang mudeklarar sa resulta sa inspection, tungod kay dunay may validation team nga maoy muhimo niini nga gilangkuban sa DILG Rep., PNP BFP, BJMP, Rep. sa Civil Society Org, ug mga NGO’s.
Mahatag matud pa niini ang report lauman sulod sa 2 hangtud sa 3 ka adlaw.Labing importante matud pa niini ang sustainability, kung unsaon pagmintinar sa dakbayan ang pagclear sa kadalanan ug ingon man ang pagrecover, ug pagrehab sa mga side walk ug ang paghatag og tarong nga panginabuhi-an sa mga na-displaced nga mga vendors.
