CEBU CITY – Subay sa isyu sa wala og tuo nga pag-flagged down sa Commission og Audit (COA) sa mga nagkadaiyang ahensya sa gobyerno, usa ka polical analyst ang nagsulti nga dili angayan nga kwestyunon ni Presidente Rodrigo Duterte ang report sa COA.
Gibutyag ni Dr. Clarita Carlos, UP-Diliman Professor, nga ‘alarming’ ang mga pagkwestyon sa presidente sa mga report sa COA kung diin usa
man kini ka public document ug mandato sa konstitusyon ang gahum sa ahensya, hayan natural lang nga ipagawas kini sa publiko.
Matud pa ni Dr. Carlos nga importante nga masayran kung asa mipaingon ang kwarta sa katawhang Pilipino.
Gitataw usab niini nga tukma lang ang pangutana ni Senator Richard Gordon, ang chairman sa Senate Blue Ribbon Committee, ug dili angayan nga kwestyunon ni Presidente Duterte ang mandato sa mga magbabalaud.
Samtang, nanghinaut ang naasoy nga propesor nga hunungon na sa presidente ug sa mga magbabalaud ang mga personal nga tinubagay ug tubagon na lang ang mga isyu, ilabi na ang mga isyu sa korapsyon.
COVID-19 RESPONSE
Nagpakita ug maayong labok ang gobyerno sa pakigbatok sa COVID-19 pandemic bisan pa man nga nagkalisod na ang nasud.
Gipadayag ni Dr. Carlos nga bisan pa man sa lisod nga sitwasyon, sukad niadtong Marso sa nakalabay nga tuig, gibuhat sa national government ang tanan ug gani gihimo man nga modelo ang Pilipinas sa United Nation (UN) sa pag-react sa pandemya.
Matud pa nga dili lang ang Pilipinas ang naglisod sa pagsulbad sa nasinati nga pandemya, inay lakip na ang mga dagko ug adunahan nga nasud, hinungdan nga dili usab makatarunganon nga hukman ang gobyerno sa paningkamot niini nga mahuman ang gi-atubang nga problema.
Gihagit ni Dr. Carlos ang mga tawo nga mikwestyon sa lakang sa gobyerno nga magmugna ug ilahang solusyon sa pagsulbad sa pandemya.// SBR
