LAPU-LAPU CITY– Subling nibalik na sa field ingon man sa City Hall si Lapu-lapu City Mayor Junard Ahong Chan aron sa pagserbisyo sa mga oponganon human kini nga nakarekober sa COVID-19.
Matud ni Chan sa dihang nahinabi sa Bombo Radyo Cebu sa tulumanong Zona Libre nga doble ang iya usab karon nga pagprotektar sa iyang kaugalingon.
Gisaysay niini nga nakuha niya ang virus sa iya ra usab nga mga kaubanan samtang sila nagfield agi og pakigbatok sa covid-19 ug pagserbisyo sa katawhan gumikan matud pa sa pagdunganay nila og kaon samtang mag-estoryahay.
Tambag ni Chan nga dili gyud maayo nga mag-atubangay og mag-estoryahanay kung mangaon hayan ilang gibuhat karon sa city hall, magpulihay sila og kaon ug kung magdunganay man gani, wala kini silay tingogay ug maglagyo-ay usab.
Sa laing bahin, gipasabot sa mayor nga gumikan usab sa ilang subsub karon nga mass testing ug ingon man ang pagtakod-takod sa mga piniriso sa city jail hinungdan nga mitaas ang kaso sa Covid-19 sa ilang dakbayan apan sa dihang gisusi sa IATF ang ilang dapit, wala matud pa kini giingon nga ipaubos sa ECQ ang dakbayan.
Nasayran nga duha ka konsehal ug si mayor Chan ang mga opisyal nga nagpositibo sa Covid-19 sa Lapu-lapu City ang.
