Andam si Transportation Secretary Vince Dizon nga mopamatuod pag-usab sa umaabot nga mga pagdungog may kalabotan sa eskandalo sa flood control, lakip na ang kaso nga giatubang sa kanhi representante sa Ako Bicol Party-list nga si Zaldy Co.
Matod ni Dizon, motuman siya sa bisan unsang mga gikinahanglan gikan sa Office of the Ombudsman aron mapadali ang pagpadayon sa mga kaso batok sa mga indibidwal nga nalambigit sa giingong mga anomaliya sa mga proyekto sa flood control.
Katapusang mipamatuod si Dizon niadtong Setyembre 23 sa kasong graft batok kang Co, nga naglambigit sa giingong mga iregularidad sa usa ka proyekto nga nagkantidad og 289.4 ka milyon ka pesos sa Naujan, Oriental Mindoro.
Personal usab nga gisusi ni Dizon ang maong proyekto ug iyang gipahayag nga ang gigamit nga mga sheet pile dili haom sa gikinahanglang sumbanan o substandard.
