Gitawag sa Department of National Defense (DND) ang deklarasyon sa Communist Party of the Philippines–New People’s Army (CPP-NPA) og upat ka adlaw nga ceasefire sugod sa alas 12:00 sa kaadlawon sa Disyembre 25 hangtod alas 11:59 sa gabii sa Enero 1 nga “propaganda.”
Sumala sa DND, bisan pa niini nga pahibalo, ang mga operasyon militar sa gobyerno magpadayon karong panahon sa kapaskuhan.
Kini nagpasabot nga ang Armed Forces of the Philippines (AFP) magpadayon sa paghatag og suporta sa Philippine National Police (PNP) aron mapadayon ang kalinaw ug kahusay atol sa kapaskuhan.
Samtang, giawhag sa DND ang nahibiling mga miyembro sa CPP-NPA nga mosurender sa gobyerno ug mokooperar aron mapugngan ang kapintasan ug ablihan ang dalan alang sa pagmintinar sa kalinaw sa nasud.
