Gibatikos ni Defense Secretary Gilberto Teodoro Jr. ang China human niini gisaway ang Balikatan Exercises, nga nag-insister nga ang mga intensyon sa Beijing dugay nang dili klaro ug “daotan.”
Ang pinakadako nga Balikatan drills gihimo uban sa mga tropa gikan sa Pilipinas, Estados Unidos, ug Japan, lakip ang live-fire exercises sa amihanan ug sa kasadpang Dagat sa Pilipinas, ang sentro sa tensyon.
Ingon man nga unang nipasidaan ang China nga ang hiniusang mga ehersisyo mahimong hinungdan sa panagbangi ug gitawag kini nga “pagdula sa kalayo.”
Gi-insister ni Teodoro nga kini kabahin lamang sa “kolektibong pagpugong” ug kung mosupak ang China, mahimo kini nga usa ka indikasyon nga naapektuhan ang ilang plano, samtang gihisgutan ang giingong expansionist agenda niini.
Samtang, giangkon sa kalihim nga ang paggamit sa mga lugar sa Enhanced Defense Cooperation Agreement limitado gihapon tungod sa isyu sa yuta, bisan kung kini gipalapdan niadtong 2023 ubos ni Pres. Ferdinand Marcos Jr.
