Gipasalig sa Department of Energy Region 7 nga dili maabot ug pasko ang mga nasinati nga mga brownouts dinhi sa Sugbo
Kini ang gikabutyag ni Renante Sevilla, RD sa DOE 7 diin nakig-alayon ang maong buhatan ngadto sa mga pribadong power plants dinhi sa visayas sa pagpapaspas sa ilang mga repairs aron nga mahibalik sa normal ang suplay sa kuryente ug di na kini maabtan pa sa Christmas Season diin mas mataas ang demand sa kuryente
Dugang pa, padayon sab ang pakigtambayayong sa maong buhatan ngadto sa pribadong mamumuhunan aron sa pagtukod ug mga bag-ong power plants, renewable energy sources, ug storage batteries nga makatabang sa energy security sa probinsiya
Ang mga nasinating brownouts namugna tungod sa force outage ug maintenance sa mga dagkong coal powerplants sa Visayas sama sa PEDC ug TVI hinungdan sa dili igong suplay sa kuryente nga dili makaabot sa demanda sa konsomidor
Aron nga dili mahitabo ang total blackout sa grid, ang NGCP mipahigayon ug manual load dropping aron nga maminusan ang demanda sa kuryente
Panawagan ni Sevilla ngadto sa publiko nga hatagan ug pagsabot ang nasinating problema sa suplay sa kuryente karon ug nagpadayon ang ilang buhatan aron sa pagpalig-on sa suplay sa kuryente sa tibuok Visayas.| By Bombo Rexmond Omega
