CEBU CITY – Padayon nga nag-monitor ang Department of Energy Region 7 sa mga nagkadaiyang gasoline stations sa Sugbo.
Gibutyag ni Atty. Mark Gamallo, DOE 7 spokesperson, nga aduna sila’y inventory arun nga masiguro nga makasustinir ug supply ang mga gasoline stations.
Hinuon, sa pagkakarun, giingong pa-igo pa ang supply sa lana, ingon man ang LPG.
Gidugang pa niini nga kanunay ang ilahang pakigpulong sa mga kadagkuan sa mga oil companies ug kini sila mipasalig nga wala’y problema sa ilahang supply.
Samtang, gitino ni Atty. Gamallo nga wala man sila’y nadawat nga reklamo kalabot na sa posibli nga ‘oil hoarding’ sa Sugbo.
Giawhag niini ang katawhan nga dili magmakuli sa pagsumbong sa ilahang buhatan kung ugaling adunay masayran nga nagpahigayon ug ‘hoarding’.
Misaad si Gamallo nga mupasaka ug silot ang DOE 7 sa mga oil industry nga mapamatud-an nga adunay kalapasan.
