Giduso ang usa ka balaodnon ang gipasaka sa Senado nga magtugot sa mga produktong petrolyo sama sa diesel ug gasolina nga ipaubos sa price control atol sa krisis.
Gipasaka ni Senador Bam Aquino ang balaodnon nga nagtumong sa pagsulbad sa kasamtangang kakulangan sa Republic Act No. 7581 o ang Price Act, diin ang price control wala maglakip sa mga fuel products bisan pa man og dako ang epekto niini sa presyo sa mga palaliton.
Ubos sa balaodnon, ang price control sa lana mahimong ipatuman sulod sa 30 ka adlaw kon adunay krisis, mas dugay pa kay sa kasamtangang 15 ka adlaw nga naglangkob lang sa LPG ug kerosene.
Gipasiugda sa senador nga bisan og ang lana usa ka deregulated nga industriya, ang presyo niini dili angay tugutan nga mosaka pag-ayo, labi na kon kini direktang makaapekto sa panginabuhi sa publiko.
Gipasaka ang balaodnon tungod sa padayon nga pagsaka sa presyo sa petrolyo tungod sa tensyon sa Middle East, nga mao ang hinungdan sa pagsaka sa presyo sa ubang mga batakang palaliton.
Kahinumduman, bisan pa sa deklarasyon ni Presidente Ferdinand Marcos Jr. Bisan pa sa estado sa nasudnong emerhensya sa enerhiya, wala pa’y konkretong mga lakang nga gipatuman aron i-freeze ang presyo sa lana.
