Naglaum ang Senado nga mapadali ang impeachment trial ni Bise Presidente Sara Duterte aron dili malangan ang diskusyon sa nasudnong budget, mga prayoridad nga balaodnon, ug uban pang mga imbestigasyon nga gitutukan sa institusyon.
Sumala ni Senate President Sherwin Gatchalian, ilang giawhag ang prosekusyon ug depensa nga pamub-on ang schedule sa pagdungog pinaagi sa pagpakunhod sa gidaghanon sa mga adlaw sa trial ug mga saksi nga mohatag lang og susama nga mga testimonya.
Dugang niini nga kung ang testimonya sa mga corroborative witness lang ang anaa, mahimo kini nga pakunhuran aron mapadali ang pag-uswag sa trial.
Gipasiugda ni Gatchalian nga samtang ang impeachment court dili makadikta sa estratehiya sa duha ka habig, nanawagan sila alang sa mas episyente nga presentasyon sa mga ebidensya ug mga saksi.
Samtang, iduso ni Senador Bam Aquino ang pagpagawas sa tanang ebidensya nga ipresentar sa impeachment trial ni Bise Presidente Duterte aron mahimong mas bukas ug transparent ang proseso alang sa katawhan.
Sumala ni Aquino, mopasaka siya og mosyon atol sa unang semana sa pagdungog aron hangyoon nga ang tanang ebidensya nga gipresentar sa duha ka habig ipahibalo sa publiko.
