Gianunsyo sa Department of Energy (DOE) ang bag-ong mga regulasyon nga nag-require sa distribution utilities nga iapil ang construction sa electric vehicle charging stations (EVCS) sa ilang development plans ug aron mapadali ang pagproseso sa mga aplikasyon sa ilang mga operators.
Sa Department Circular nga gi-isyu sa ahensya, ang mga utility companies kinahanglang magkonsiderar sa panginahanglan sa EV charging sa ilang grid planning ug makompleto ang pagproseso sa mga aplikasyon sa EVCS providers sulod sa 20 ka adlaw.
Giawhag usab sa DOE ang paggamit sa renewable energy sa mga charging stations isip kabahin sa tumong sa nasud nga maabot ang 35% nga renewable energy sa 2030.
Sa samang higayon, giaprobahan usab sa DOE ang pagpayano sa proseso sa sertipikasyon alang sa mga EV manufacturers, importers, ug dealers, ug mo-align sa Vehicle Fuel Economy Labeling Program (VFELP) sa nasod.
Gipasiugda ni Energy Secretary Sharon Garin nga ang electric mobility usa ka importanteng bahin sa energy security strategy sa nasud.
