Cebu City-Gipalibog lamang sa Department of Finance ang ulo sa katawhan gumikan sa urong-sulong nga desisyon kabahin sa excise tax sa mga produktong petrolyo.
Matud ni Dr Clarita Carlos, UP Diliman Professor ingon man usa ka political analyst, gibutyag niini nga gikinahanglan nga lig-on ang himuong desisyon sa gobyerno ug dili kay makahatag ug ka libog sa katawhan.
Kung si Carlos ang pangutan-on mas maayo matud niini nga e implement ang excise tax sa produktong petrolyo apan kinahanglan nga mulihok usab ang ubang departamento sa gobyerno hilabi na ang Department of Trade and Industry aron sa pagmonitor sa mga presyo sa mga palaliton nga posibleng musabay sa pagbawi sa excise tax suspension.
Gipasabot ni Carlos nga dili man tanan ang maapektuhan kung ipatuman ang excise tax sa produktong petrolyo sanglit dunay ubang produkto nga gamay lang ang transportation ug fuel cost kung ikumpara sa presyo nga ilang gipausbaw.
Diri na matud pa gikinahanglan nga manginlabot gayud ang DTI alang sa monitoring kung insakto ba ang pagsaka sa prtesyo o sobra na kaayo.
Daghan matud pa nga mga negosyante mupahimulos sa kahigayunan ug sakyan ang pagpatuman sa excise tax sa produktong petrolyo.
